මෙය 2009 ජුලි මස 24 වන දින ඉතාලි පාර්ලිමේන්තුවට ඉදිරිපත් කල ආර්ථික අර්බුදයට එරෙහි නීති සංසෝධනයටම Decreto Anticrisi ඇතුලත් කර ඉදිරිපත් කල අතර එයට පක්ෂව ඡුන්ද 294 ක්ද විරුද්ධව ඡුන්ද 186 ක්ද සහිතව සම්මත විය.
                     2009 ජුලි මස 27 වන සදුදා වනවිට ගෘහ සහ උපස්ථාන සේවාවල නිරත අයට අමතරව වෙනත් අංශයන්හි රැකියා කරන්නන් සදහාද මෙවන් අවස්ථාවක් ලබා දිය යුතු බවට විවිධ පාර්ෂවයන්ගෙන් ඉදිරිපත්වී ඇති යෝජනා පිළිබද සාකච්ඡා කිරීමට නියමිතව ඇති අතර ඒ අනුව අවසන් ඡන්ද විමසීම July 28 වන අගහරුවාදාට යෙදී තිබේ. ඉන්පසු සෙනෙට් සභාවට ඉදිරිපත් කෙරෙන මෙය ජුලි 30 වන විට පක්ෂ නායකයින් අතර සාකච්ඡා ආරම්භ කිරීමට නියමිත අතර සෙනෙට් සභාවේ ඡන්ද විමසීම අගෝස්තු 1 දින හෝ වේලාව ප‍්‍රමාණවත් නොවන්නේනම් අගෝස්තු 2 දින සිදුවනු ඇත.
 

එහි අඩංගු විශේෂ කරුණු

1     ඉතාලි පුරවැසියකු ඉතාලිය තුල රැදී සිටින යුරෝපා හවුලේ පුරවැසියකු හෝ ඊට අයත් නොවන කාර්ත සර්ජෝර්නෝව හිමි විදේශීය පුරවැසියන්ට මේ සදහා ඉල්ලූම් කිරීමේ අවස්ථාව ඇත. 2009 ජුනි මස 30 දින වන විට අවම මාස 3 ක කාලයක් ඉතාලියේ රැදී සිටීමේ අවසරපත් නොමැති කිසියම් විදේශිකයෙකු තමන් විසින් උපස්ථාන හෝ ගෘහ සේවයේ යොදාගෙන ඇත්නම් ඔවුන් නීතිගත කිරීමේ අවස්ථාවක් එම ස්වාමීන්ට ලැබේ.

2  ගෘහ සේවය සදහා ඉල්ලූම් කල හැක්කේ එක් ස්වාමියෙකුට එක් සේවයෙකු වෙනුවෙන් පමණක් වන අතර පවුලේ සාමාජිකයින් අතර ආබාධිත හෝ ඔතපල අය සිටීනම් එවැනි අවස්ථාවක ඉල්ලූම්පත් දෙකක් ඉදිරිපත් කල හැකිය. එහිදී ඒ බව තහවුරු කිරීමේ වෛද්‍ය සහතිකද ඉදිරිපත්කල යුතුය. ඒ අනුව එක් ගෘහ සේවකයකු සහ උපස්ථාන සේවකයින් දෙදෙනෙකු සදහා ඉල්ලූම් කල හැකිය.

3  ඉල්ලූම් කරු තනි පුද්ගලයෙකු නම් ඔහු හෝ ඇයගේ වාර්ෂික ආදායම යුරෝ 20000කට නොඅඩු විය යුතු අතර එක් අයෙකුට වඩා වැඩි වන අවස්ථාවක වාර්ෂික ආධායම යුරෝ 25000කට වඩා නොඅඩු විය යුතුය. ඒ අනුව එක් අයෙකුගේ ආදායම ප‍්‍රමානවත් නොවන අවස්ථාවක එකට වාසය කරණ පවුලේ සාමාජිකයින් කිහිප දෙනෙකුගේ ආදායම එකතුකල හැකිය. ආබාධිත හෝ ඔත්පල අය වෙනුවෙන් එකට වාසය නොකරන අයගේ ආදායම එක්කල හැක.

4 ඉතාලි හෝ ඉතාලියේ රැදී සිටින යුරෝපා හවුලේ පුරවැසියන් අදාල ඉල්ලූම් පත‍්‍රය තම ප‍්‍රදේශයේ INPS ආයතනය වෙත ඉදිරිපත් කල යුතු අතර කාර්ත සර්ජෝර්නෝව ඇති විදේශිකයින් අන්තර්ජාලය ඔස්සේ අදාල පලාතේ ප්‍රෙෆෙත්තූර ආයතනයට අනුබද්ධ ස්පොර්තෙල්ලෝ යුනිකෝ Sportello Unico වෙත තම ඉල්ලූම් පත් ඉදිරිපත් කල යුතුය.
 

* නියමිත යුරෝ 500 ගෙවීමට අදාල රිසිට් පත

* ස්වාමියාගේ පුද්ගලික අනන්‍යතාවය තහවුරු කිරීමේ හා සුදුසුකම් තහවුරු කිරීමේ ලේඛණ

*සේවකයා ගේ විදේශ ගමන් බලපත‍්‍රය[ පාස්පෝට් හෝ අනන්‍යතාවය තහවුරු කිරීමේ ලේඛණය]

*ඔහුගේ පුරවැසිභාවය දැනට නියැලී සිටින රැකියාවේ ස්වභාවය හා ගෙවීම් පිළිබද තොරතුරු

5   2009 සැප්තැම්බර් මස 1 දින සිට 30 දින දක්වා ඒ සදහා ඉල්ලූම් කල හැකිය.

6 එසේ තමා යටතේ සේවය කරණ බවට සහතික ඉදිරිපත් කරණ ඉල්ලූම් කරුවන් තමා යටතේ සිටින එක් සේවකයෙකු වෙනුවෙන් යුරෝ 500ක මුදලක් ගෙවිය යුතු අතර නීති ගතකල දින සිට සාමාන්‍ය ලෙස ගෙවීම් සිදුවනු ඇත.

7 තමන් ඉදිරිපත් කල ඉල්ලූම් පතට අනුව අදාල පලාතේ ප්‍රෙෆෙත්තූර [ Prefettura ] ආයතනයට අනුබද්ධ ස්පොර්තෙල්ලෝ යුනිකෝ ආයතනය විසින් දැනුම් දුන් විටෙක මුලික ලේඛණ ඉදිරිපත් කිරීම හා කොන්ත‍්‍රත්තෝ දි සර්ජෝර්නෝව අත්සන් කිරීම කල යුතු අතර එතැන් සිට පැය 24ක් ඇතුලත ඔහු හෝ ඇය සේවයේ පිහිටුවීම පිළිබද ඉන්ප්ස් [ INPS ] ආයතනය දැනුවත් කල යුතුය.

8 මෙම යෝජනාව නීතිගත වූ දින සිට එය අවසන් වන දින දක්වා කාලය තුල ස්වාමියා හෝ සේවකයා සම්බන්දයෙන් සාමාන්‍ය නීතිය ක‍්‍රියාත්මක නොවන අතර පොදු සමා කාලයක් ලෙස එය ප‍්‍රකාශයට පත්කෙරෙණු ඇත. විශේෂයෙන් විදේශිකයින් අත්අඩංගුවට ගැනීම හෝ පිටුවහල් කිරීම හා ස්වාමියාට එරෙහි නීතිමය කටයුතු කිරීම සිදු නොවනු ඇත.

9 2007 ඔක්තෝබර් 30 හා 2008 දෙසැම්බර් ඉදිරිපත් කල දෙක්රෙත්තෝ ෆ්ලූස්සි [ Decreto Flussi ] වෙනුවෙන් තාවකාලික නොවන ස්ථීර රැකියා පදනම යටතේ ගෘහ හෝ උපස්ථාන සේවා සදහා ඉල්ලූම්පත් ඉදිරිපත් කල ස්වාමීන්ට තමා ඉල්ලූ සේවකයා මේ වන විට ඉතාලිය තුල සිටී නම් අදාල පලාතේ ස්පොර්තෙල්ලෝ යුනිකෝ ආයතනයට ඒ බව දැනුම් දීමෙන් ඔහු හෝ ඇය වෙනුවෙන් කොන්ත‍්‍රත්තෝ දි සර්ජෝර්නෝව අත්සන් කර රැකියාව ස්ථීර කල හැකිය

10 අදාල කාලය තුල ඉල්ලූම් පත් ඉදිරිපත් නොකරන සුදුසුකම් සම්පුර්ණ නොකරණ හෝ ඉවත් කරණ අය සදහා දඩුවම් කි‍්‍රයාත්මක නොවන අතර විදේශිකයින් පිටුවහල් කිරීමටද ලක් නොවනු ඇත.

11 කිසියම් විදේශිකයෙකු මීට පෙර අවස්ථාවක ඉතාලිය තුලදී අත්අඩංගුවට පත්වී හෝ පිටුවහල් වීමේ නියෝග ලැබී හෝ ඇති අයෙකු නම් එම තත්වය මෙයට බාධාවක් නොවන අතර කිසියම් බරපතල වරදකට දඩුවම් ලැබූ අයට එහි ප‍්‍රතිපාදන බලපානු ඇත.

12 ස්වාමියා හෝ සේවකයා ඉදිරිපත් කරණ කරුණු සත්‍ය හා නිවැරදි විය යුතු අතර එසේ නොවන අවස්ථාවක ඒ වෙනුවෙන් දඩුවම් ලැබිය හැකි බව දැන ගත යුතුය.

13 අදාල කටයුතු අවසන් කර නියමිත ලේඛණ තැපැල් කිරීමෙන් පසු ඉතාලිය තුල සර්ජෝර්නෝව නිකුත් කිරීමේ සාමාන්‍ය ක‍්‍රියා පටිපාටියට අනුව විදේශිකයා වෙනුවෙන් සර්ජෝර්නෝව නිකුත් කෙරෙණු ඇත.